Аккредиттеу

2020 жылы Тараз сервис және технология колледжі тәуелсіз аккредиттеуден сәтті өтіп, 2020 жылдың 25 мамырында АТҚО аккредиттеу комиссиясының шешімімен Институционалдық және мамандандырылған аккредиттеуден өткені туралы куәлік берілді.

Атқарылған жұмыс нәтижелері бойынша Аккредиттеу Кеңесі колледжді 5 жыл мерзімге аккредиттеу туралы шешім шығарды.Колледж үшін аккредитациядан өту - білім беру саласындағы жаңа сатыға көтерілуді білдіреді. Бұл педагогикалық ұжым үшін жаңа деңгейде сапалы мамандар даярлауда аса құнды мотивация болып табылады. Сонымен қатар, жұмыс берушілерді де білім беру процесіне тартуға үлкен мүмкіндік береді.

Колледж өткенді мақтан тұтады,  өз болашағын жасайды

Тараз сервис және технологиялар колледжі өзінің тарихын сонау 1971 жылдан бастайды. 1971 жылы "№180 қалалық кәсіптік-техникалық училищесі" болып құрылды. 1971-1991 жылдары ҚКТУ-180 базасында жұмысшы кадрлар Моңғол Халық Республикасы және Жамбыл облысының химия саласы үшін слесарь, электрик, токарь, әрлеуші-сылақшы, дәнекерлеуші ретінде даярланды. 20 жыл бойы училище бауырлас Моңғолия Республикасымен тарихи, мәдени, достық ынтымақтастықта болды.

1984 жылы училище "Сухэ Батор атындағы №8 орта кәсіптік-техникалық училищесі", 1997 жылы 10 ақпанда " № 4 кәсіптік-техникалық мектебі "Мемлекеттік мекемесі", 1999 жылы " № 1 Тараз кәсіптік-техникалық лицейі "Мемлекеттік мекемесі"болып өзгертілді.

2016 жылдың 17 маусымында Жамбыл облысы әкімдігінің білім басқармасының "№1 кәсіптік лицейі" бұйрығымен "Жамбыл облысы әкімдігі білім басқармасының "Тараз сервис және технологиялар колледжі" коммуналдық мемлекеттік қазыналық кәсіпорны"болып қайта құрылды

Өзінің 50 жылдық тарихында колледж әр уақытта жұмыс істеген бұрынғы түлектер, педагогтар туралы естеліктерді ұқыпты сақтайды және құрметтейді, колледждің дәстүрлерін сақтай және көбейте отырып, қазіргі ұжым өзінің ізашар әріптестерінің лайықты мирасқорлары болу үшін бар күшін салады. Колледждің педагогикалық ұжымы бірнеше жыл бойы білім беру сапасын басқару мәселесін шешуге бағытталған жоспарлы іздестіру, ғылыми-зерттеу, шығармашылық жұмыс жүргізіп келеді. Колледж бірін-бірі үйлесімді толықтыратын, оларды пайдалану тиімділігі мен өзара дамуын қамтамасыз ететін жаңа педагогикалық және ақпараттық технологияларға сүйенеді. Бұл іздеудің нәтижесі: "Оқытушының қызметін бағалаудың рейтингтік жүйесі", "Топ жетекшісінің қызметін бағалаудың рейтингтік жүйесі", топтар мен бөлімдердің рейтингі, "Психологиялық-педагогикалық қолдау" технологиясы енгізілді. Компьютерлендіру аяқталды, Интернетке шығатын бірыңғай жергілікті компьютерлік желі құрылды, "электрондық журнал" бағдарламасы әзірленді, басқаруды автоматтандыру және колледждің бірыңғай ақпараттық-білім беру ортасын құру бойынша жұмыс жүргізілуде.

Колледж көп жылдар бойы негізінен жеңіл өнеркәсіп және сервис саласы үшін аталған  мамандықтар бойынша мамандар даярлап келеді: "Тігін өндірісі және киімдерді үлгілеу", "Автомобиль көлігіне техникалық қызмет көрсету, жөндеу және пайдалану", "Шаштараз өнері және сәндік косметика", "Тамақтандыруды ұйымдастыру", "Ғимараттар мен құрылымдарды салу және пайдалану", "Дәнекерлеу ісі", ал 2020 жылдан бастап "Туризм" және "Қонақ үй бизнесі" сияқты жаңа мамандықтар бойынша қабылдау жүргізеді.

Қазіргі уақытта Жамбыл облысы білім басқармасының "Тараз сервис және технологиялар колледжі" КМҚК - білім алушылардың, педагогтардың, жұмыс берушілердің және басқа да мүдделі тараптардың мүддесі үшін жұмыс істейтін, өзекті білім беру жүйесі, ашық ақпараттық орта және қазіргі заманғы инфрақұрылымы бар білім беру мекемесі.

Колледж қызметі Қазақстан Республикасының 2007 жылғы 27 шілдедегі No 319-III "Білім туралы" Заңымен, Республика Үкіметі бекіткен "Техникалық және кәсіптік білім беру ұйымдары қызметінің типтік ережелерімен" реттеледі. Қазақстан Республикасы Үкіметінің 2012 жылғы 23 тамыздағы No 1080 қаулысымен бекітілген Қазақстан Республикасының 2013 жылғы 17 мамырдағы No 499 (2017 жылғы 7 сәуірдегі No 171 редакциясында), Қазақстан Республикасы Үкіметінің 2012 жылғы 23 тамыздағы No 1080 қаулысымен бекітілген мемлекеттік жалпыға міндетті білім беру стандарты (2017 жылғы 15 тамыздағы No 484 редакциясында).

2018 жылдан бастап колледжде материалдық-техникалық базаны жақсарту мақсатында көптеген жұмыстар жүргізілді, соның ішінде ғимарат күрделі жөндеуден өткізілді, "Тамақтандыруды ұйымдастыру", "Тігін өндірісі және киімді модельдеу", Шаштараз және сәндік косметика", "Автокөліктерге техникалық қызмет көрсету, жөндеу және пайдалану" мамандықтары бойынша  шеберханалары мен зертханалары толығымен қайта жаңартылды. Колледж мәжіліс және спорт залдары, асхана, білім беру қонақ үй кешені, оқу шаштаразы, оқу автожөндеу шеберханасы, оқу тігін шеберханасы күрделі жөндеуден өтті. Студенттердің өндірістік оқыту мен практикасы кезіндегі дағдыларды дамыту  мақсатында оқу шеберханалары безендіріліп, заманауи құрал-жабдықтар және инвентарлармен жабдықталды. Колледж аумағы жоспар бойынша 2021 жылдың шілде айында аббаттандыру жұмыстарынан өтеді деп күтілуде

Біздің колледж – облыс және қаладағы  дүкендерге студенттердің өнімдерін жеткізе бастаған республикадағы алғашқы колледж, бірақ пандемияға байланысты біз бұл қызметті жүзеге асыруды тоқтатуға мәжбүр болдық. Бірақ біз өнімді сату бастамасынан бас тартқан жоқпыз, керісінше колледжді дамыту және студенттерді ынталандыру мақсатында студенттердің өнімдерін сатуға арналған дүкендер желісін салуға қол жеткіздік, ол жоспарланған 2022-2021 оқу жылында іске аспақ. Біз студенттердің өнімдерін сатуға арналған жеке дүкендері бар республикадағы ең алғашқы колледж боламыз деген ойдамыз.

Колледж білім беру қызметін 07.15.2016 ж. № KZ58LAA00007402 мемлекеттік лицензиясы негізінде жүзеге асырады және жеті білім беру бағдарламаларын жүзеге асырады.

Бүгін колледждің 50 жылдық мерейтойы қарсаңында көп нәрсе өзгерді, бірақ бастысы өзгеріссіз қалды - команда өз миссиясына адал: тұрмыстық қызмет көрсету саласы үшін мамандарды сапалы даярлау.